Tukizingatia kufanya usafi kipindupindu kitapita mbali

Image result for uchafu sokoni

HIKI ni kipindi cha mvua za masika kwa karibu nchi nzima. Mvua ni baraka kwa watu, lakini wakati mwingine huwa kinyume cha baraka hizo kwani zinaweza kuambatana na athari kama mafuriko yanayosababisha uharibifu wa mali na hata kupoteza maisha ya watu.
Kadhalika, mvua zisipotazamwa kwa umakini, huwa kichocheo kikubwa cha magonjwa ya mlipuko kama kipindipindu na homa ya matumbo maarufu kama taifodi. Ikumbukwe kuwa, baada ya kuingia madarakani Rais wa Awamu ya Tano, Dk. John Magufuli, alibadili shamrashamra zilizokuwa zifanyike katika sherehe za uhuru wa Tanganyika, Desemba 9, 2015 na kuzifanya zitumike kuwa kampeni ya usafi nchi nzima siku hiyo.
Uamuzi wa Rais ulilenga badala ya kutumia nguvu kubwa na pesa nyingi kufanya sherehe huku eneo la afya likiwa tete kutokana na hali ya kipindupindu ilivyokuwa, Rais aliona ni busara kutumia rasilimali hizo kuzuia ugonjwa huo na mambo mengine yenye manufaa zaidi. Zuio pekee la ugonjwa wa kipindupindu ambalo ni la kisayansi ni usafi wa mazingira na chakula.
Ugonjwa wa kipindupindu huenezwa kwa njia ya uchafu hasa kula kinyesi aidha kupitia chakula, maji au hata ukosefu wa usafi wa mikono kabla na baada ya kula. Hiyo ndiyo iliyoifanya hata Serikali mkoani Dar es Salaam kuweka utaratibu wa wananchi kufanya usafi maalumu katika maeneo yao ya kazi na makazi kila Jumamosi alfajiri hadi saa 4 asubuhi.
Kimsingi, ili kuhakikisha ugonjwa wa kipindupindu na magonjwa mengi ya mlipuko yanapigwa vita jijini Dar es Salaam na nchini kote, yapo mambo muhimu yanayopaswa kufanywa.
Kila mmoja tangu ngazi ya familia azingatie usafi wake binafsi na mazingira yanayomzunguka kwa kula na kunywa vitu vilivyoandaliwa na kuhifadhiwa katika mazingira salama na safi kiasi cha kutosha.
Maji yachemshwe, yachujwe na kuhifadhiwa katika usafi. Vyakula viliwe kupitia mikono na vyombo visafi huku kila mmoja akizingatia kunawa kwa maji ya moto na sabuni kila atokapo chooni, kabla na baada ya kula chochote.
Mifereji isiachwe wala kuruhusiwa kutuamisha maji na kadhalika, takataka zinazokusanywa siku za Jumamosi, ziondolewe haraka barabarani na katika malundo ili zisiwe kero inayoalika na kusambaza nzi wenye viini vya ugonjwa huo.
Jamii ikumbuke kuwa, nzi ndiyo wasambazaji wakubwa wa ugonjwa wa ugonjwa huo unaoambukizwa kupitia vimelea vya bakteria vijulikanavyo kitaalamu kama “vibrio cholerae.”
Namna nyingine ya kudhibiti ugonjwa huu, ni wataalamu wa afya nchi nzima kuendelea kutoa elimu kwa wananchi ili wachukue tahadhari zaidi huku Serikali ikihakikisha kuna dawa za kutosha kwa ajili ya kinga na tiba linapotokea tatizo hilo.
Wataalamu wa afya washirikiane na viongozi katika maeneo ya watu katika kuelimisha jamii kuhusu kinga, dalili na tiba za ugonjwa wa kipindupindu. Waelimishwe dalili hizo ili wanapoziona, wasichelewe na hata kufikiria miujiza au kuingiza imani za ushirikina, bali wawahi katika zahanati, vituo vya afya au hospitali kupata matibabu sahihi. Kimsingi, tukizingatia usafi ugonjwa wa kipindupindu tutausikia kwa mbali kama historia.

(source Habari leo}

Comments

Post a Comment

Popular posts from this blog

Nchi 10 zenye mazingira safi duniani.

Image
Mazingira machafu ni miongoni mwa changamoto zinazokabili nchi nyingi duniani ambapo ongezeko la watu,sehemu za biashara na kukua kwa miji zimetajwa kama sababu kubwa inayochangia mazingira machafu hasa sehemu za mijini. April 24 2017 nimekutana na hii list ya nchi 10 zinazotajwa kuwa na mazingira masafi licha ya kuwa na idadi kubwa ya watu, list hii ni kwa mujibu wa Environmental Performance Index . Hii ni changamoto kwako ewe Mtanzania, yafanye maeneo unashoishi kuwa safi na epuka kutupa takataka hovyo: Switzerland   Switzerland ni miongoni mwa nchi zenye mazingira masafi duniani ambapo wameweza kupambana na mazingira machafu kwa zaidi ya asilimia 87.67 ,kwa mujibu wa Environmental Performance Index Switzerland ni miongoni mwa nchi zenye hewa safi. 2.  Luxembourg Environmental Performance imeipa Luxembourg asilimia 83.29  na kuifanya kuwa nchi ya pili kwa mwaka 2017 kuwa na mazingira masafi duniani. 3. Australia Australia imeshika namba tatu kwa nchi zenye mazing
Read more

Magonjwa yanayoongoza kusababisha vifo Tanzania

Nuzulack Dausen September 13, 2017 MWANANCHI: Mwanza/Dar. Magonjwa ya malaria, maradhi yanayoathiri mfumo wa kupumua, Ukimwi, upungufu wa damu na magonjwa ya moyo ni miongoni mwa magonjwa yaliyochangia kwa kiwango kikubwa kuchukua uhai wa Watanzania 247,976 kwa miaka 10 iliyopita katika hospitali mbalimbali hapa nchini, utafiti waonyesha. Katika ufunguzi wa warsha kuhusu sababu za vifo katika hospitali nchini iliyofanyika jijini Mwanza juzi, Mtafiti Mkuu Kiongozi wa Taasisi ya Taifa ya Utafiti wa Magonjwa ya Binadamu (NIMR), Dk Leonard Mboera alisema lengo la utafiti huo ni kutambua ongezeko la maradhi yanayoathiri jamii. Dk Mboera alisema vifo hivyo vilitolewa taarifa kwa kipindi cha miaka 10 kati ya 2006 na 2015, huku vifo vingi vikiathiri wanaume kuliko wanawake. Alisema katika kundi la watoto chini ya miaka mitano vilichangia asilimia 20 ya vifo vyote. Utafiti Mtafiti Mkuu wa Taasisi ya Taifa ya Utafiti wa Magonjwa ya Binadamu (NIMR), Dk Mercy Chiduo akimuonyesha Mganga
Read more

Maji na usafi wa Mazingira

Image
Matatizo mengi yanayotufanya tuugue yanaweza kuzuilika. Baadhi ya njia za kuzuia magonjwa huhitaji muda, juhudi na fedha zaidi mwanzoni, lakini hunusuru muda na fedha baadae kwa kutuepeusha na magonjwa. Sura hii inaelezea jinsi ya kuzuia kuharisha na magonjwa mengine yanayosababishwa na vijidudu vilivyomo kwenye kinyesi cha binadamu na wanyama. Matatizo mengi yanayoathiri tumbo na matumbo yanaweza kuepukwa kwa kunawa mikono, kuzingatia usafi katika kuandaa na kuhifadhi chakula, kutumia vyoo kwa usahihi, na kunywa maji safi na salama.  Ili kujifunza jinsi ya kuzuia:  utapiamlo, kisukari, ugonjwa wa moyo, na matatizo mengine yanayosababishwa na lishe duni, angalia Lishe bora hutengeneza afya bora. nimonia au kichomi,kifua kikuu, na matatizo mengine ya kupumua angalia Matatizo katika kupumua na kikohozi (kinaandaliwa).  matatizo ya kiafya yanayosababishwa na utupaji hovyo wa taka za kawaida na taka zingine, angalia Taka za kawaida, taka za hospitalini na uchafuzi wa mazingira (ki
Read more